ရွှေမှုန်ရတီကို ရုပ်ရှင်အစည်းအရုံးမှာ တိုင်ထားပါတယ်လို့ ထုတ်ဖော်ပြောလိုက်တဲ့ ယုန်လေး…

သရုပ်ဆောင်ရွှေမှုန်ရတီက ငါမုန်းတဲ့ အက္ခရာ ဇာတ်ကားရိုက်ကူးနေရင်းတန်းလန်းကြီး မင်္ဂလာဆောင်မယ်ဆိုပြီး ဘယ်ရောက်သွားမှန်းမသိတာကြောင့် သူမကို ထုတ်လုပ်သူက ကုန်ကျစရိတ် နစ်နာစရိတ်တွေအတွက် ရုပ်ရှင်အစည်းအရုံးမှာ တိုင်ထားကြောင်း အဆိုတော် ယုန်လေးက ထုတ်ဖော်ပြောလိုက်ပါတယ်။

ယုန်လေးက ” ရိုက်ရင်းတန်းလန်း ရွှေထူးနဲ့ မင်္ဂလာဆောင်မယ်ဆိုပြီး မရိုက်ပဲ ဘယ်ရောက်သွားမှန်းမသိ အားလုံးကို ဒီတိုင်းထားခဲ့တာ ဒါရိုက်တာ ဦးညီ၊ အောင်ရဲလင်း၊ မကြီးစိုး ၊ Tyron ကျန်နေတဲ့ သက်ဆိုင်ရာတွေ အများကြီးပေါ့။ ရွှေမှုန်ရိုက်လက်စတွေအတွက် အစကနေပြန်ရိုက်ရမှာ ပါဝင်တဲ့သူ အကုန်လုံးပဲ အချိန်ကုန်ကျစရိတ် နေပြည်တော်မှာဆိုတော့ လူအယောက် ၁၀၀ ကျော်အတွက် နေရေးထိုင်ရေး စားစရိတ် တစ်ရက်ဆို တစ်ရက် သိသာပါတယ်။ အစည်းရုံးမှာလည်း ထုတ်လုပ်သူဘက်က ကုန်ကျစရိတ် နစ်နာစရိတ်တွေ အတွက် တိုင်ထားပါတယ်” လို့ ပြောပါတယ်။

“ရွှေထူးကကျွန်တော့ ညီလေးပါ။ သူတို့ကိုလည်း ချစ်ပြီးသားပါ။ အလုပ်တစ်ခုလုပ်တာ ကိုယ်မရိုက်ချင်ရင် အစောကြီးကတည်းက မရိုက်နဲ့ပေါ့။ မင်္ဂလာဆောင်လို့ရတယ်၊ အပျော်ခရီးသွားလို့ရတယ်၊ ရိုက်ရင်းတန်းလန်း နဲ့တော့ မသွားနဲ့လေ ရိုက်ပြီးရင်သွား နောက်ဆုံးမရိုက်ခင် စရံပြန်အမ်းပြီး ဖျက်လိုက်ပေါ့ အခုလိုဝင်ပြောတော့လည်း မကောင်းပါဘူး။ ဒီလိုအရှုပ် တွေကြားထဲမှာ ဘယ်သူမှ သူများနေရာ ဝင်မရိုက်ချင်ဘူး။ ပြီးတော့ရွှေမှုန်က အိုက်တင် ပိုကောင်းတဲ့သူ ခင်ဝင့်ဝါက သူအပြောဆိုခံ အဆဲခံရမှာ သိသိနဲ့ ဝင်ကူညီတာပါ။ အားလုံး peace “လို့ ယုန်လေးက ထပ်မံဖြည့်စွက်ပြောကြားခဲ့ပါသေးတယ်။

ဒါရိုက်တာ ညွှန့်မြန်မာ ညီညီအောင် ရိုက်ကူးမယ့် “ငါ မုန်းတဲ့ အက္ခရာ” ဇာတ်ကား ကန်တော့ပွဲပေးပွဲကို အောက်တိုဘာလ (၂၃) ရက်နေ့၊ Royal Garden Restaurant မှာ ပြုလုပ်ခဲ့တာဖြစ်ပြီး ဒီဇာတ်ကားမှာ အောင်ရဲလင်း၊ တိုင်ရွန်၊ စိုးမြတ်သူဇာ၊ ရွှေမှုံရတီ၊ ဒေါ်နွဲ့နွဲ့စန်း နှင့် အခြားအနုပညာရှင်များစွာ ပါဝင်သရုပ်ဆောင်သွားဖို့ မိတ်ဆက်ထားခဲ့တာဖြစ်ပေမယ့် လက်ရှိမှာ ခင်ဝင့်ဝါနဲ့ ပြောင်းလဲရိုက်ကူးသွားဖို့ ဆုံးဖြတ်ခဲ့ကြတာဖြစ်ပါတယ်။

ဒီကိစ္စနဲ့ ပတ်သက်ပြီး ရွှေမှုန်ရတီရဲ့ ဆရာဖြစ်သူ ဒါရိုက်တာ ညွန့်မြန်မာ ညီညီအောင်က ဖြေကြားလိုခြင်းမရှိဘူးလို့ ပြောကြားခဲ့ပြီး အွန်လိုင်းသုံးစွဲသူတွေအနေနဲ့ ရွှေမှုန်ရတီက ပိုပြီး သရုပ်ဆောင်အမူအရာပိုင်နိုင်ကြောင်း၊ ခင်ဝင့်ဝါက သရုပ်ဆောင်တာမှာ ရွှေမှုန်လောက် မကောင်းကြောင်းတွေ ဝေဖန်နေကြတာပါ၊ ဒီလိုဝေဖန်မှုတွေအပေါ် အဆိုတော်ယုန်လေးက ဝင်ရောက်ဖြန်ဖြေတဲ့သဘော ဖြေကြားလိုက်တာလည်း ဖြစ်ပါတယ်။

ဗဟုသုတ (www.bahututa)